Սահմանադրական դատարանը մարտի 2-ից որևէ դիմում չի ստացել նախագահականից։ Այս մասին «Ազատությանը» հայտնեց ՍԴ մամուլի քարտուղար Եվա Թովմասյանը՝ պատասխանելով հարցին՝ արդյո՞ք բարձր դատարանն ստացել է «Զինվորական ծառայության և զինծառայողի կարգավիճակի մասին» օրենքի առնչությամբ Հայաստանի նախագահի դիմումը։
Հիշեցնենք՝ նախագահ Արմեն Սարգսյանը մարտի 2-ին հայտարարել էր, որ չի ստորագրում Զինված ուժերի գլխավոր շտաբի պետ Օնիկ Գասպարյանին պաշտոնից ազատելու՝ վարչապետ Նիկոլ Փաշինյանի առաջարկությունը և առանձին դիմումով Սահմանադրական դատարան է դիմելու «Զինվորական ծառայության և զինծառայողի կարգավիճակի մասին» օրենքի առնչությամբ։
