ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն այսօր փոխոստիկանապետից հետաքրքրվեց, թե ինչ քայլեր են ձեռնարկվելու Բաղրամյան պողոտան օրեր շարունակ փակ պահելու գործընթացների հետ:
«Բաղրամյան պողոտայում արդեն մի քանի օր է, ինչ բացակայում է քաղաքական օրակարգը: Բաղրամյան պողոտան մեր ամենակարևոր փողոցներից մեկն է: Միգուցե առաջարկվի մեկ ա՞յլ տեղ տեղափոխվել, ի՞նչ տարբերություն: Բաղրամյան պողոտայի բնակիչն ինչ մեղք ունի, որ ինքը չկա այդ քաղաքական օրակարգում»:
Ոստիկանության պետի տեղակալ Արա Ֆիդանյանը Քոչարյանի դիտարկմանն ի պատասխան նեց, որ Բաղրամյան պողոտայի փակ լինելու հանգամանքով գերծանրաբեռնված վիճակում են այլ փողոցներ. «Ոստիկանությունը փորձում է լուծումները գտնել երկխոսության միջոցով, կարծում եմ՝ այդ առումով որոշակի հաջողություններ կունենանք»:
