ունիսի 9-ին Նաիրա Զոհրաբյանի եւ Արտակ Մանուկյանի նախագահությամբ տեղի է ունեցել ՀՀ ԱԺ մարդու իրավունքների պաշտպանության եւ հանրային հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստը: Պատգամավորները քննարկել են «ՀՀ 2019թ. պետական բյուջեի կատարման մասին» տարեկան հաշվետվությունը` անդրադառնալով մարդու իրավունքների պաշտպանի աշխատակազմի եկամուտների եւ ծախսերի կատարողականին:
Ներկայացնելով հիմնական ֆինանսական ցուցանիշները` ՀՀ ֆինանսների նախարար Ատոմ Ջանջուղազյանն ընդգծել է, որ ՄԻՊ աշխատակազմի համար 2019թ. պետական բյուջեով նախատեսված միջոցներից օգտագործվել է 513 մլն դրամ: Հատկացված միջոցները 2018թ.-ի համեմատ ավելացել են 25 տոկոսով: Իրականացվել է բյուջետային ծրագրերով նախատեսված 14 միջոցառում:
ՀՀ մարդու իրավունքների պաշտպան Արման Թաթոյանը, դիմելով հայրենակիցներին, կոչ է արել ստեղծված բարդ պայմաններում համախմբված պահպանել համավարակի կանխարգելմանն ուղղված կանոնները: «Ակնհայտ է, որ համաճարակը վտանգում է մեզանից յուրաքանչյուրին, մեր հարազատների կյանքը եւ առողջությունը, նպաստում նոր խնդիրների առաջացմանը»,-նշել է ՄԻՊ-ը: Ըստ նրա` բոլորի շահերից է բխում օր առաջ վերադառնալ բնականոն կյանքի, ինչը հնարավոր է միայն միասնական գործելով: Արման Թաթոյանը շնորհակալություն է հայտնել բուժանձնակազմին, վարչական այլ աշխատողներին, ոստիկանությանը, ԱԻՆ-ին, տեսչական մարմիններին եւ այլ ծառայություններին` ստեղծված բարդ իրավիճակում նվիրումով աշխատելու համար: Արման Թաթոյանը նաեւ շնորհակալություն է հայտնել ՄԻՊ աշխատակազմին` 24 ժամ գերծանրաբեռնված աշխատելու համար:
Զեկուցողը շնորհակալություն է հայտնել ԱԺ մարդու իրավունքների պաշտպանության եւ հանրային հարցերի մշտական հանձնաժողովին` կառույցի հետ ամենօրյա աշխատանքային կապ հաստատելու համար, ինչպես նաեւ ԱԺ ֆինանսավարկային եւ բյուջետային հարցերի մշտական հանձնաժողովին` երկրի գլխավոր ֆինանսական փաստաթղթում տեղ գտած հարցերի հետ կապված համագործակցության համար: Ըստ Արման Թաթոյանի` հանձնաժողովների հետ համագործակցությունը նպաստում է երկու հաստատությունների աշխատանքի արդյունավետության բարձրացմանը:
Հարցուպատասխանի ձեւաչափում պատգամավորներին հետաքրքրել են խորհրդարանում եւ մարզերում ՄԻՊ ներկայացուցիչ ունենալու հնարավորությունը, կառույցին հատկացվող ծախսերի աճը, ՄԻՊ այցերը:
