Պուտինն այսօրվա մեծ ասուլիսի ժամանակ անդրադարձել է Ղարաբաղյան հակամարտության վերջին թեժացմանը․
«Ինչո՞ւ հենց հիմա դա տեղի ունեցավ: Իրավիճակը դուրս էր եկել վերահսկողությունից, այդ լարվածությունը տեւել է երկար տարիներ: Չեմ կարծում, թե դա տեղի է ունեցել արտաքինից ինչ-որ միջամտության պատճառով: Բազմիցս տեղի են ունեցել բախումներ, փոխհրաձգություն եւ փոքր ընդհարումներ: Եվ ի վերջո այդ ամենը վերածվեց հակամարտության։ Միջազգային իրավունքի տեսակետից Ղարաբաղը ադրբեջանական տարածք է։ Իրական վիճակը բավական բարդ է եւ մարդիկ զենք են վերցրել ոչ հեշտ իրավիճակից ելնելով։ Կողմերը պետք է կանգ առնեն այն կետում, որտեղ եղել են եռակողմ հայտարարության ստորագրման պահին»,-նշել է Պուտինը:
Խոսելով հրադադարից հետո կարգավորման գործընթացի մասին՝ Պուտինը շեշտեց միջնորդների դերակատարությունը, որոնք, նրա խոսքով, պետք է «խոսքից գործի անցնեն»։