Հանցանքից ազատ` անվտանգ երկրների ինդեքսով, Հայաստանը աշխարհի 133 երկրների թվում 12-րդն է, իսկ Եվրոպայի մասշտաբով 4-րդ տեղում է,- այս մասին տեղեկություն է տարածում աշխարհում խոշորագույն տվյալների բազան, «Նումբեոն»:
Ըստ տվյալների բազայի, որի տվյալները թարմացվել են ընթացիկ ամսում, ասվում է, որ Հայաստանում հանցանքի մակարդակը բավականին ցածր է:
Հանցանքի մակարդակը պարզելու համար, տվյալների բազան կիրառում է այնպիսի ուղղություններ, ինչպիսիք են. տան կողոպուտ և իրերի գողություն, թալան, ավտոմեքենաների կողոպուտ, հարձակման վտանգ, վիրավորանք, ֆիզիկական հարձակման վտանգ, մասնավոր սեփականության գողություն և վանդալիզմ, ինչպես նաև կաշառք:
Աշխարհի 133 երկրներից Հայաստանից առաջ են միայն Քաթարը, Թայվանը և Արաբական Միացյալ Էմիրությունները, Վրաստանը, Օմանը Հոնկ Կոնգը, Սլովենիան, Մեն կղզին, Շվեյցարիան, Ճապոնիան և Ռուանդան: Վերջին տեղերում են Հարավ Աֆրիկյան Հանրապետությունը, Պապուա Նոր Գվինեան և Վենեսուելան:
Նույն համամասնությամբ հանցավորության ինդեքսով Հայաստանը 122-րդն է 133 երկրների շարքում։ Համեմատության համար Ադրբեջանը 98-րդ հորիզոնականում է, Իսկ հանցավորության ամենաբարձր ցուցանիշը Վենեսուելայինն է որն էլ գլխավորում է աղյուսակը։