ՀՀ Ազգային ժողովի «Իմ քայլը» խմբակցությունը շրջանառությունից հանել է երեկ իրենց կողմից շրջանառության մեջ դրված այն նախագիծը, որով նախատեսվում էր բաց տարածքներում դիմակ չկրելու համար տուգանքի չափը սահմանել 20 հազար դրամ, իսկ փակ տարածքներում՝ 50 հազար դրամ։
«Իմ քայլը» խմբակցության ղեկավար Լիլիթ Մակունցը ՀԺ-ի հետ զրույցում հայտնեց, որ «Իմ քայլը» խմբակցությունը քննարկման արդյունքում նպատակահարմար չի համարել հարցն օրակարգում ընդգրկել։
«Իմ քայլը» խմբակցության պատգամավոր Սիսակ Գաբրիելյանն էլ մեր զրույցում ասաց․ «Որպես ԱԺ արտահերթ նստաշրջան հրավիրած պատգամավորների ներկայացուցիչ՝ տեղեկացնում եմ, որ վաղը նախատեսվող արտահերթ նիստում չի լինելու դիմակ չկրելու տուգանքները բարձրացնող օրենքի նախագիծ»։
