Այսօր՝ մարտի 10-ին, Երևանի Բաղրամյան պողոտայի և Դեմիրճյան փողոցի խաչմերուկում ժամը 16։00-ից մեկնարկել էր վարչապետ Նիկոլ Փաշինյանի հրաժարականը պահանջող ընդդիմադիր քաղաքական ուժերի՝ «Հայրենիքի փրկության շարժման» հրավիրած հանրահավաքը։
Ընդդիմադիր ուժերը փետրվարի 25-ից փակել են Բաղրամյան պողոտայի՝ Ազգային ժողովին հարող հատվածը, իսկ մարտի 9-ից փակել են Ազգային ժողովի մուտքը նաև Դեմիրճյան փողոցի կողմից։ «Իրազեկ քաղաքացիների միավորումը» աերոնկարահանման միջոցով իրականացրել է հանրահավաքի մասնակիցների հաշվարկ, որի տվյալներով ժամը 17։31-ի դրությամբ Բաղրամյան-Դեմիրճյան խաչմերուկում եղել է շուրջ 2250 մարդ։
«Հայրենիքի փրկության շարժման» երթն այսօր՝ մարտի 10-ին, անցավ Երեւանի կենտրոնական փողոցներով եւ ավարտվեց Բաղրամյան պողոտայում։ Երթը Սայաթ– Նովա, Նալբանդյան փողոցներով հասավ Հանրապետության հրապարակ, Ամիրյան փողոցով եւ Մաշտոցի պողոտայով վերադարձան Բաղրամյան պողոտա, որտեղ տասն օրից ավելի ընթանում է «Հայրենիքի փրկության շարժման» նստացույցը՝ վարչապետի հրաժարականը պահանջով։ Քաղաքացիներն այսօր եւս կգիշերեն նստացույցի վայրում։