Երեւանի Ազատության հրապարակում ընդդիմությունն այսօր հանրահավաք է անցկացրել: Հանրահավաքից հետո ներկաները հիշատակի երթով շարժվել են դեպի Սուրբ Գրիգոր Լուսավորիչ եկեղեցի, որտեղ ի հիշատակ նահատակների, մատուցվել է հոգեհանգստյան կարգ:
Քաղաքացիները քայլերթով իջել էին Ֆրանսիայի հրապարակ, որտեղ տեղի ունեցավ կարճատև հանրահավաք, ապա մասնակիցները կրկին երթով շարժվեցին դեպի Սուրբ Գրիգոր Լուսավորիչ եկեղեցի, որտեղ և մատուցվեց հոգեհանգստյան կարգ՝ ի հիշատակ Արցախյան պատերազմում զոհվածների: Երթին ի թիվս այլոց, մասնակցել է նաև ԲՀԿ առաջնորդ Գագիկ Ծառուկյանը:
Նշենք՝ Հայաստանում և Արցախում եռօրյա սուգ է՝ ոգեկոչելու Հայրենիքի պաշտպանության համար զոհված մեր նահատակների հիշատակը: Հայաստանում և Արցախում իջեցվել են պետական դրոշները, դրանց վերևի հատվածում սև ժապավեններ են ամրացվել: