Ղրղզստանի նախագահ Սոորոնբայ ժեենբեկովը ժամանելով Մոսկվա ձեռնպահ է մնացել Կարմիր հրապարակ այցից, Մեծ հայրենականի 75-ամյակի շքերթը հյուրերի շարքում տրիբունայում դիտելուց:
Պատճառն այն է, որ նախագահն ու նրան ուղեկցող աշխատակազմի անդամները ժամանելուն պես, COVID- ի թեստ են հանձնել և աշխատակազմի արտաքին հարաբերությունների բաժնի ղեկավարի ու անվտանգության ծառայության աշխատակիցներից մեկի մոտ կորոնավիրուս է հաստատվել: Այս մասին հայտնել է երկրի նախագահի պաշտոնական կայքը:
Ղրղզստանի նախագահական կայքում հրապարակված են լուսանկարներ, որտեղ նրա ինքնաթիռը ժամանում է Մոսկվայի օդանավակայան, եւ նրանց պատվիրակությանը դիմավորում են ռուսաստանցի բարձրաստիճան պաշտոնյաներ:
Ժեենբեկովն ու պատվիրակության մյուս բոլոր անդամները կրկնակի թեստավորում են անցել, որոնց պատասխաններն ամբողջապես ստացվելու են 3 օրվա ընթացքում: Նրանք այսօր վերադարձել են Բիշքեկ և կգտվեն ինքնամեկուսացման մեջ: