Իսրայելի Նեթանյա քաղաքում, Elbit Systems ռազմական կորպորացիայի շենքի դիմաց, որն Ադրբեջանին մատակարարվող զենք է արտադրում, տեղի է ունեցել բողոքի ակցիա: Հայկական սփյուռքը և տասնյակ հրեաներ բողոքել են և պահանջել դադարեցնել զենքի մատակարարումը Ալիևի ռեժիմին, որը զենքը կիրառում է խաղաղ բնակչության դեմ:
Բլոգեր Ալեքսանդր Լապշինը ֆեյսբուքի իր էջում տեսանյութ է հրապարակել, որում բողոքի ակցիայի մասնակիցը Արդրբեջանը համարում է անհուսալի դաշնակից Իսրայելի համար, իր օրեցօր աճող իսլամական ֆունդամենտալիզմով:
Նաև նշում է, որ քաղաքացիական ազատությունների առումով Ադրբեջանն աշխարհում 180 երկրների շարքում զբաղեցնում է 168-րդ տեղը: Այդ երկիրը տարածում է հայատյացություն և խթանում անհանդուրժողականությունը ազգային փոքրամասնությունների նկատմամբ: Հազարավոր հայեր Երկրորդ աշխարհամարտի տարիներին հրեաներին փրկել են նացիստներից, իսկ Իսրայելը ոչ միայն չի ճանաչել Հայոց ցեղասպանությունը, այլև զենք է մատակարարում Ադրբեջանին:
