Երեկ «Հայրենիքի փրկության շարժման» կազմակերպած «Արժանապատվության երթ»-ի ընթացքում տեղի ունեցած միջադեպի առթիվ ոստիկանությունում նյութեր են նախապատրաստվում։ «Հայկական ժամանակ»-ի հարցին ի պատասխան՝ տեղեկացրին ոստիկանության լրատվական բաժնից:
Հիշեցնենք, որ երեկ ընդդիմադիրների կազմակերպած երթի ընթացքում մասնակիցներին մոտեցան մի քանի քաղաքացիներ և սատարեցին վարչապետ Նիկոլ Փաշինյանին, ինչից հետո երթի մասնակիցների և քաղաքացիների միջև ծեծկռուք սկսվեց։ Նիկոլ Փաշինյանին սատարող քաղաքացիներից մեկի աչքը վնասվեց։ Նա, սակայն, հրաժարվեց պատախանել լրագրոների հարցերին:
