Իրավիճակը լարված է Սյունիքի մարզի Սև լիճ-Վերինշեն ուղղությամբ, գիշերը իրավիճակը լարվել է Գեղարքունիքի մարզի Կութի ուղղությունում, այսօր ասուլիսի ժամանակ հայտարարել է Հայաստանի Զինված ուժերի գլխավոր շտաբի պետի տեղակալ Էդվարդ Ասրյանը։
Ասրյանի փոխանցմամբ՝ հակառակորդը գիշերը Կութի ուղղությամբ ուժեր է կենտրոնացրել։ Օդային հետախուզության արդյունքում ադրբեջանցիները ֆիքսել են Հայաստանի Զինված ուժերի հակագործողությունները, շրջափակման վերցրել ու գերեվարել 6 զինծառայողներին, ասաց գլխավոր շտաբի պետի տեղակալը։
ՀՀ ՊՆ ԳՇ պետի տեղակալ Էդվարդ Ասրյանը ՊՆ գլխավոր վարչությունում ներկայացրել է վեց հայ զինծառայողների գերևարելու մանրամասները։ Նա մանրամասնել է, թե ինչպես է դեպքը տեղի ունեցել և քանի կիլոմետր է թշնամին մտել Հայաստանի Հանրապետության տարածք։
Ավելի վաղ ՊՆ հաղորդագրություն էր տարածել՝ հայտնելով, որ վաղ առավոտյան ադրբեջանական ԶՈՒ կողմից վեց հայ զինծառայող է գերեվարվել։ ՊՆ–ն հերքել է ադրբեջանական ապատեղեկատվությունը՝ հայտարարելով, որ հայ զինծառայողները գտնվել են Հայաստանի Հանրապետության տարածքում և չեն հատել սահմանը։
