Մարդու իրավունքների եվրոպական դատարանում հայ գերիների շահերի ներկայացուցիչ Արտակ Զեյնալյանը ֆեյսբուքյան իր էջում տեսանյութ է հրապարակել, որում ադրբեջանական տարբեր հարթակներում ինչ-որ ժամանակ տեղադրված տեսանյութեր են՝ հայ գերիների ու ռազմագերիների մասնակցությամբ:
Զեյնալյանը նշել է, որ տեսանյութերը հրապարակում է, քանի որ դրանցում նկարահանված զինվորների և տեղանքի հատկանիշները թույլ են տալիս նրանց կամ տեղանքին ծանոթ անձանց պարզորոշ ճանաչել վերջիններիս: Ճանաչելու դեպքում՝ իրավապաշտպանը հորդորում է կապվել իրենց հետ.
«Հավանական գերիների, նրանց ընտանիքների անդամների իրավունքները պաշտպանելու նպատակով, խնդրում ենք տեսանյութերում պատկերված անձանց և/կամ տեղանքը ճանաչողներին կապ հաստատել Սիրանուշ Սահակյանի կամ ինձ հետ:
Խնդրում ենք ներկայացնել ձեր համոզմունքը հաստատող լուսանկարներ և/կամ տեսանյութեր՝ հավանական գերեվարված անձի և ձեր ճանաչած անձի նույնական լինելու վերաբերյալ: Միևնույն ժամանակ հայտնում ենք, որ հավանական գերեվարված անձի ինքնությունը կհաստատվի պատշաճ ընթացակարգերի, այդ թվում՝ փորձաքննությունների, արդյունքում:
Սիրանուշ Սահակյան + 374 94 907002
Արտակ Զեյնալյան + 374 91 193526»,-ասված է գրառման մեջ:
