Տաջիկստանում քիչ առաջ մեկնարկեց ՀԱՊԿ Հավաքական անվտանգության խորհրդի ընդլայնված նիստը, որին մասնակցում է նաև ՀՀ վարչապետ Նիկոլ Փաշինյանը։ Ընդլայնված նիստին հայկական կողմից մասնակցում են նաև Անվտանգության խորհրդի քարտուղար Արմեն Գրիգորյանը, Պաշտպանության նախարար Արշակ Կարապետյանը և Արտաքին գործերի նախարար Արարատ Միրզոյանը։ Ընդլայնված կազմով հանդիպման ավարտին պատվիրակությունների ղեկավարները պաշտոնական ճաշ կունենան Տաջիկստանի նախագահ Էմոմալի Ռահմոնի անունից։
Ավելի վաղ տեղի է ունեցել Հավաքական անվտանգության պայմանագրի կազմակերպության (ՀԱՊԿ) անդամ պետությունների ղեկավարների նեղ կազմով նիստը: ՀԱՊԿ-ում Տաջիկստանի նախագահությունը համընկել Է արտակարգ մարտահրավերների եւ սպառնալիքների ժամանակաշրջանի հետ, որոնց բախվում Է հավաքական անվտանգության տարածաշրջանը, հայտարարել Է Տաջիկստանի նախագահ Էմոմալի Ռահմոնը՝ բացելով նիստը:
«Այդուհանդերձ, Տաջիկստանը ՀԱՊԿ-ի գործընկերների աջակցությամբ հետեւողականորեն կատարել Է նախագահության գործառույթները»,-ասել Է նա: Ռահմոնի խոսքով՝ հաջողվել Է ապահովել քաղաքական փոխգործակցության բարձր մակարդակը, ապահովել արտաքին քաղաքական դիրքորոշումների համակարգումը:
«Մենք կշարունակենք հայտարարությունների ընդունումը միջազգային ու տարածաշրջանային օրակարգի հրատապ հարցերի շուրջ»,-հայտարարել Է նա: Ռուսաստանի նախագահ Վլադիմիր Պուտինը ՀԱՊԿ-ի գագաթնաժուղովին մասնակցում Է տեսակապով:
Սեպտեմբերի 17-ին վարչապետ Նիկոլ Փաշինյանը կմասնակցի Շանհայի համագործակցության կազմակերպության և Հավաքական անվտանգության պայմանագրի կազմակերպության համատեղ նիստին։