«Պահպանվող տարածքների աջակցման ծրագիր-Հայաստան» ծրագրի շրջանակներում շարունակվում է Սյունիքի մարզում գտնվող շրջակա միջավայրի նախարարի տեղակալ Աննա Մազմանյանի գլխավորած պատվիրակության և «ՊՏԱԾ-Հայաստան» ծրագրի աշխատանքային խմբի այցը Սյունիքի մարզ. տեղեկացնում են ՇՄ նախարարությունից:
Այցելություններ են իրականացվում մարզում «ՊՏԱԾ-Հայաստան» ծրագրի շրջանակում իրականացվող ծրագրերի տարածքներ: Նախարարի տեղակալը եղել է «Կապանի կանանց ռեսուրս» կենտրոնում, ծանոթացել «Պահպանվող տարածքների աջակցման ծրագրի» կողմից տրված դրամաշնորհի միջոցներով վերազինված, կահավորված և վերանորոգված կարի արտադրամասին։
«ՊՏԱԾ-Հայաստան» Կապանի գրասենյակում նախարարի տեղակալը մասնակցել է ուղղակի դրամական մրցանակների տրամադրման միջոցով համայնքների բնակավայրերի կենսապայմանների բարելավմանն ուղղված ծրագրի ֆինանսական մասնակցային մոտեցում (ՖՄՄ) ծրագրի երրորդ ենթափուլի մեկնարկի արարողությանը: ՖՄՄ առաջին և երկրորդ փուլերը արդեն իսկ հաջողությամբ ավարտվել են։ ՖՄՄ առաջին փուլը իրականացվել է 12 թիրախային բնակավայրերում:
Այցի հաջորդ կանգառը «Շիկահող» պետական արգելոցն էր: Շիկահող բնակավայրում հիմնադրվել է հրշեջ-փրկարարական հենակետ, որը սպասարկելու է Շիկահող, Սրաշեն, Ներքին Հանդ, Ծավ և Շիշկերտ բնակավայրերը և նրանց հարակից պահպանվող տարածքները։
Ա. Մազմանյանն այցելել է Շիկահող բնակավայրում մշտապես ապրող տնային տնտեսություններից մի քանիսը, որտեղ Շիկահող գյուղի էներգաարդյունավետության բարձրացման նպատակով տեղադրված են արևային ջրատաքացուցիչներ: Գյուղում կա տեղադրված թվով 56 ջրատաքացուցիչ։ Ծրագիրն իրականացվել է «Կանաչ էկոշրջան» բնապահպանական ՀԿ-ի կողմից։
Էներգաարդյունավետության բաղադրիչի բարձրացման բաղադրիչի շրջանակում «Շիկահող» պետական արգելոցի և «Սոսյաց պուրակ» պետական արգելավայի հարակից Շիկահող, Սրաշեն, Ծավ, Ներքին Հանդ թիրախային բնակավայրերի 247 մշտական բնակվող տնային տնտեսություններին տրամադրվել է մինչև 9 քմ եվրո պատուհան, 8 խմ վառելափայտ։ Նշված 4 բնակավայրերին փորձնական տրամադրվել է յուրաքանչյուրին 2-ական էներգախնայող վառարան՝ հասկանալու համար դրանց արդյունավետությունը։ Աժմ ջրատաքացուցիչներ են տեղադրվում նաև Ծավ, Սրաշեն, Ներքին Հանդ բնակավայրերի 147 մշտական տնային տնտեսություններում։
Աշխատանքային այցը Սյունիքի մարզ շարունակվում է: