Մեկ ժամ առաջ Սև լճի աջ կողմից ադրբաջանական ուժերը խախտել են մեր պետական սահմանը: Այս մասին «Ազատության» հետ զրույցում տեղեկացրել է Սյունիքի մարզպետ Մելիքսեթ Պողոսյանը:
Ըստ մարզպետի, հակառակորդն անընդհատ լարվածություն է ստեղծում պետական սահմանում:
«Այս պահի դրությամբ էլի 30 հոգի անցել են պետական սահմանը, մի ժամ առաջ: Տեղեկություն ստացա, որ աջ կողմից էլի եկել են: Ու անընդհատ դրդում են կռվի, պատերազմի, բայց մենք ուզում ենք խաղաղ ճանապարհով այդ հարցը լուծենք: Մեր պետական սահմանը հստակ պետք է գծվի»,-ասել է մարզպետը:
