Ադրբեջանի վերջին սադրանքներից հետո սահմանային իրավիճակն այս պահին կայուն է: Այս մասին ճեպազրույցում ասաց ԱԺ պաշտպանության հանձնաժողովի նախագահ Անդրանիկ Քոչարյանը:
«Այս պահին սահմանային իրավիճակը կայուն է: Բայց դա չի նշանակում, որ մենք մեր զգոնությունը պետք է կորցնենք»,- ասաց Քոչարյանը:
Նա կարևորեց երկրում ջանքերը մեկտեղելը, որպեսզի հակառակորդը որևէ հնարավորություն չունենա իր գործողություններով ներքին լարվածություն առաջացնել: «Մեր խնդիրն է գործողություններով լինել Զինած ուժերի կողքին, ոչ թե բառերով»,- ասաց պատգամավորը:
Նոյեմբերի 16-ին՝ կեսօրից հետո, Ադրբեջանի զինված ուժերը հերթական անգամ հանցավոր կերպով ոտնահարել էր Հայաստանի Հանրապետության տարածքային ամբողջականությունը և ինքնիշխանությունը՝ հարձակում գործելով արևելյան սահմանագոտու ուղղությամբ տեղակայված հայկական դիրքերի վրա և կիրառելով հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։
