Ռուսաստանի նախագահ Վլադիմիր Պուտինը հայտարարել է, որ Ուկրաինայի նախկին նախագահ Պյոտր Պորոշենկոյին խոստացել է քաղաքական ապաստան տրամադրել Ռուսաստանում, եթե նա որևէ դժվարություն ունենա։
«Մի ժամանակ, երբ պարոն Պորոշենկոն դեռ Ուկրաինայի նախագահն էր, ես նրան ասացի, որ եթե ապագայում ինչ-որ դժվարություններ ունենա, Ռուսաստանը պատրաստ է քաղաքական ապաստան տրամադրել նրան»,- ասել է Պուտինը մամուլի ասուլիսի ժամանակ՝ ելույթ ունենալով իր ֆրանսիացի գործընկեր Էմանուել Մակրոնի հետ հանդիպման արդյունքների մասին:
Ռուսաստանի ղեկավարի խոսքով՝ Պորոշենկոն այն ժամանակ «շատ հեգնանքով է մոտեցել այս հարցին»։
«Բայց այսօր ես ցանկանում եմ վերահաստատել իմ առաջարկները՝ չնայած մեր լուրջ տարաձայնություններին Դոնբասի կարգավորման և շատ այլ հարցերում», - շարունակել է Պուտինը։
«Կարծում եմ, որ Պորոշենկոն շատ սխալներ է թույլ տվել այս ուղղությամբ, բայց, այնուամենայնիվ, նրա հետապնդումը որպես պետական հանցագործ, իմ կարծիքով, նույնպես չափազանց մեծ հայտ է ներկայիս ղեկավարության կողմից»,- կարծում է Ռուսաստանի ղեկավարը։
«Մենք պատրաստ ենք Ռուսաստանում ապաստան տրամադրել պարոն Պորոշենկոյի նման մարդկանց»,- ասել է նա։
Ավելի ուշ ՌԴ նախագահը պարզաբանել է, որ Ռուսաստանի Դաշնությունը պատրաստ է քաղաքական ապաստան տալ Պորոշենկոյին հումանիտար նկատառումներով։
