ՀՀ նախագահ Արմեն Սարգսյանը հրամանագիր է ստորագրել Արշակ Կարապետյանին ՀՀ պաշտպանության նախարարի պաշտոնից ազատելու մասին:
«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.
Արշակ Կարապետյանին ազատել պաշտպանության նախարարի պաշտոնից»,- ասված է նախագահի հրամանագրում:
Սուրեն Պապիկյանը նշանակվել է ՀՀ պաշտպանության նախարար: Այս մասին նշված է ՀՀ նախագահի հրամանագրում:
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.
Սուրեն Պապիկյանին նշանակել պաշտպանության նախարար»,- նշված է հրամանագրում:
