ՀՀ ոստիկանությունը հանդես է եկել պարզաբանմամբ.
"Politik.am կայքը, անդրադառնալով Երևանի քաղաքապետարանի մոտ հասարակական կարգի պահպանմանն ուղղված ոստիկանության գործողություններին` օգտագործել է «ծեծել են» արտահայտությունը։
Տեղեկացնենք, որ ծեծն իր բնույթով քրեորեն պատժելի արարք է և որևէ առնչություն չունի ոստիկանության ծառայողների կողմից օրենքով նախատեսված հիմքերի առկայության դեպքում կիրառվող ֆիզիկական ուժի հետ։ Ուստի հորդորում ենք ոստիկանության ծառայողների գործողությունները բնութագրելիս օգտագործել բացառապես օրենսդրությունից բխող ձևակերպումներ և ձեռնպահ մնալ չհիմնավորված որակումներից։
Իսկ մեր համաքաղաքացիներին կոչ ենք անում իրենց իրավունքները իրացնելիս զերծ մնալ այլոց իրավունքները, տվյալ դեպքում` ազատ տեղաշարժի իրավունքը սահմանափակելու գործողություններից և պահպանել համակեցության կանոնները",- ասված է հաղորդագրության մեջ: