Ըստ ոստիկանության օպերատիվ հաղորդագրությունների ամփոփագրերի` հունիսի 11-ից 14-ը Հայաստանի Հանրապետության ոստիկանության ստորաբաժանումները բացահայտել են հանցագործության 111 դեպք, որից 7 -ը՝ նախկինում կատարված։
Մասնավորապես՝ անձնական ունեցվածքի գողության՝ 23, մարմնական վնասվածք պատճառելու՝ 21, խարդախության՝ 13, ընտանեկան բռնության՝ 6, գույքը դիտավորությամբ վնասելու՝ 5, հարկերից խուսափելու, խուլիգանության և թմրամիջոցի հայտնաբերման՝ 3-ական, սպանության, անձի առևանգման, բնակարանային գողության, ապօրինի ծառահատման, պաշտոնեական լիազորությունների չարաշահման, սպանության սպառնալիքի ու քարոզչություն կատարելու կամ քարոզչություն կատարելուց հրաժարվելուն հարկադրելու՝ 2-ական, ավազակային հարձակման, կողոպուտի, յուրացման կամ վատնման, զենք-զինամթերքի առգրավման, կաշառակերության, ընտրական իրավունքի խախտման, ընտրողներին կաշառք տալու, կաշառք ստանալու, ընտրությունների ժամանակ բարեգործության արգելքի խախտման կամ ընտրողի ազատ կամքի իրականացմանը խոչընդոտելու, ընտրողի կամքի ազատ իրականացմանը խոչընդոտելու, թմրամիջոցի ապօրինի շրջանառության, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, որն առաջացրել է հիվանդի մահ, անառակաբարո գործողությունների, անձին ապօրինի ազատությունից զրկելու և 16 տարին չլրացած անձի նկատմամբ անառակաբարո գործողություններ կատարելու՝ 1-ական դեպք։
Հայտնաբերվել է 3 անհետ կորած, 9 հետախուզվող։ Կամավոր ներկայացել է 12 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 4, խարդախության՝ 2, և վրաերթի 1 դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 48 պատահար. 1 մարդ զոհվել է, 62-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
