ՀՀ փոխոստիկանապետ Արա Ֆիդանյանն այսօր մամուլի ասուլիսի ընթացքում անդրադարձավ շաբաթներ առաջ «Մոսկվա» կինոթատրոնի մոտ տեղի ունցած աղմկահարույց սպանությանը: Ֆիդանյանը նշեց, որ այդ տեսակետից տվյալ սպանությունը չափազանց բարդ բացահայտվող հանցագործություն է, բայց ՀՀ իրավապահներին հաջողվել է այն բացահայտել ընդամենը ժամեր անց։ «Երևանի «Մոսկվա» կինոթատրոնի մոտ կատարված սպանությունն իրականացվել էր պրոֆեսիոնալ մարդասպանի կողմից, ով ՀՀ քաղաքացի չէ»,-ասաց Ֆինդանյանը: Հարցին՝ վարձու մարդասպա՞ն է եղել, Ֆիդանյանն ասաց, որ այս պահին չի կարող դա հստակ ասել:
Հիշեցնենք, որ հունիսի 2-ին տեղի ունեցած կրակոցների հետեւանքով սպանվել էր քրեական հեղինակություն Քյավառցի Ռաֆո անունով հայտնի Ռաֆայել Մարդոյանի թիկնապահը՝ Հովհաննես Վարդանյանը: Հանցագործի թիրախում, սակայն Մարդոյանն է եղել: Ըստ իրավապահների՝ հանցագործությունը կատարել է 23-ամյա Ալեքսանդր Բուզմառևը՝ օտարերկրյա քաղաքացի:
