Այսօր գերեվարված հայ 6 զինծառայողին վերադարձնելու համար հայկական կողմի տված առաջին ժամկետն արդեն հատել է: Այսօր մամուլի ասուլիսի ժամանակ հայտարարեց ՀՀ ԶՈՒ ԳՇ պետի տեղակալ Էդվարդ Ասրյանը:
«Սկզբում 1 ժամ էինք տվել, դրանից հետո մեզ հետ անմիջապես կապի են դուրս եկել մեր ռուս գործընկերները եւ ներկայացրել, որ Բաքվում խորհրդակցություն է անցկացվում և քննարկվում է գերեվարված զինծառայողների վերադարձման հարցը: Դրա համար տրված ժամկետից հետո համապատասխան գործողությունների չենք գնացել»,- ասաց նա:
Ասրյանն ընդգծեց, որ հակառակորդի՝ հայկական կողմի պայմանները չկատարելու դեպքում համապատասխան պլաններ են մշակվում: