ԱԺ ճեպազրույցների ընթացքում «Քաղաքացիական պայմանագիր» խմբակցության անդամ Արթուր Հովհաննիսյանը անդրադարձավ ««Զանգվածային լրատվության մասին» օրենքում փոփոխություններ և լրացումներ կատարելու մասին» նախագծին, որը հոկտեմբերի 28-ին խորհրդարանն ընդունեց առաջին ընթերցմամբ:
Հովհաննիսյանի խոսքով՝ օրենքի նախագծով նպատակ ունեն պաշտպանել Հայաստանում ժողովրդավարությունը:
«Խոսքի ազատությունը, լրագրողների իրավունքների պաշտպանությունը մեր երկրի ժողովրդավարության ամենակարևոր ցուցիչներից մեկն են:
Այսօր ժողովրդավարությունը ՀՀ-ում պաշտպանության կարիք ունի, որովհետև մենք գործ ունենք նաև ռևանշիստական ուժերի հետ, որոնք հարվածի տակ են դնում ժողովրդավարական ինստիտուտները մեր երկրում, ուստի մեր նպատակն է՝ պաշտպանելով լրագրությունը, պաշտպանելով խոսքի ազատությունը՝ պաշտպանել ժողովրդավարությունը, ուստի բոլոր այն մեղադրանքները, որոնք հնչում են, թե մենք քայլեր ենք ձեռնարկում՝ ճնշելու լրատվամիջոցներին, խոսքի ազատությունը, անհիմն են»,- ասաց Արթուր Հովհաննիսյանը:
