«Հարաբերությունները նորմալ են, մենք խնդիր չունենք, մենք սև ու սպիտակ չունենք, մեր հակառակորդը թուրքն է: Մենք միասին երեք պատերազմի ենք մասնակցել, ինձ համար այսօր ընդդիմություն, սև սպիտակ չկա, մենք դուրս ենք գալիս թուրքին ենք տեսնում, ի՞նչ է նշանակում ընդդիմություն: Մենք պիտի պաշտպանենք, չէ՞, մեր հայրենիքը»,- լրագրողների հետ զրույցում այս մասին նշեց Սյունիքի մարզպետ Մելիքսեթ Պողոսյանը՝ անդրադառնալով հարցին, թե ինչպիսին են ընդդիմության հետ հարաբերությունները:
Պողոսյանի խոսքով՝ եթե հայ ժողովուրդը ցանակնում է, որ Սյունիքի սահմանում իրավիճակը կայուն մնա, պետք է հույսն իր վրա դնի: Պետք է պահպանել գաղտնիության ռեժիմը. «Երբ որ մենք մեր խնդիրը կատարենք փառքով, ամեն ինչ լավ կլինի: Այնպես չէ, որ թշնամին մեզնից ուժեղ է, մենք կոտրվել ենք, որ գաղտնիության ռեժիմը չենք պահպանել: Դա պետք է պահպանենք, որ առաջնագծի սպան, զինվորը լավ բան լսի ու կատարի: Եթե մենք տարածում ենք, որ դիրքը տված է, նրա բարոյահոգեբանական հոգին ընկնում է, պետք է զինվորի կողքին կանգնենք, նրանց բարոյահոգեբանական ոգին պահպանենք»,- ասաց մարզպետը:
Խոսելով, թե որպես մարզպետ ինչ դիրքորոշում ունի Մելիքսեթ Պողոսյանը վարչապետ Նիկոլ Փաշինյանի արված այն հայտարարության մասին, թե վարչապետն է նախկին ՊՆ նախարար Վաղարշակ Հարությունյանին հրաման տվել, որպեսզի Սյունիքի դիրքերից մեր զորքը հետ քաշվի, Պողոսյանն ասաց. «Մի ամիս համագործակցել ենք, որ այդ նեյտրալ «զոնան» պահենք։ Մենք 3 անգամ «պոստերն» առաջ ենք տվել։ Կուբաթլուի հատվածում 3 անգամ առաջ ենք տվել։ Հետո Ռուսաստանը չի համաձայնել։ Մենք պիտի զբաղեցնեինք Խորհրդային միության սահմանները, մեզ հետ են տվել, չեն համաձայնել։ Հանձնաժողով է եղել, Ռուսաստանի և Ադրբեջանի հետ համագործակցել են, որ սահմանները մնան նույն տեղը, չեն համաձայնել։ Չեն համաձայնել, դրա համար մենք եկել ենք, զբաղեցրել Խորհրդային միության սահմանները»:
Անդրադառնալով նաև այն հարցին, թե Սյունիքի փոխքաղապետ Կարո Քոչարյանը հայտարարել է, որ վարչապետի այցից հետո միևնույն է խնդիրներ են առաջցել և առկա են: Պողոսյանն պատասխանեց. «Կարոն այնքան զենք զինամթերք ունի, որ իր պարտականությունը կատարի ամեն ինչով պատրաստ կլինի: Ես կարող եմ գնահատել իրենց պատրաստակամությունը, որպես Սյունիքի երկապահի նախագահ, Սյունիքի մարզպետ, խոսքը ուրիշ բան է, պատրաստակամությունը ուրիշ: Մենք մեր աչքով պետք է տեսնենք՝ ինչին են պատրաստ, ում հետ են համագործակցում, դա ամենօրյա աշխատանք է: Գործով պետք է պատրաստ լինեն, պարոն վարչապետը ռեալ ինֆո տվել է, որ ոչ մի փաստաթուղթ չեն ստորագրելու, մենք մեր պարտականությունը պետք է կատարենք»,- հավելեց նա: