Մենք այսօր միլիմետրի ճշգրտությամբ գիտենք Սովետական Հայաստանի դե յուրե նշանակություն ունեցող սահմաններն որտեղով են անցնում։
Այս մասին հայտնել է Նիկոլ Փաշինյանը ԶԼՄ-ների հարցերին պատասխանելիս:
Խոսելով անկալվների հարցի մասին, նա նշել է, որ այն որ Ադրբեջանը հետապնդում է, նույնիսկ նոյեմբերի 9-ին փորձ է արվել անդրադարձ կատարել այդ հարցին։
«Քարտեզի վրա անկլավ, որ նկարած է, դա ի վերջո ինչ իրավական հիմք ունի։ Ես խիստ կասկածում եմ, որ իրավական հիմք դա ունի»,- ասել է նա։
Նա նշել է, որ Ադրբեջանի` Հայաստանի նկատմամբ ակնհայտորեն տարածքային նկրտումների ցուցաբերումը, վարձկանների ներգրավումը պատերազմում պետք է դառնա միջազգային հանրության քննարկման առարկա։
«Ադրբեջանի պահվածքն ավելի լայնորեն պետք է դառնա քննարկման առարկա և ոչ միայն եռակողմ ֆորմատում, ՀԱՊԿ–ում, ՄԱԿ–ում, ՄԻԵԴ–ում։ Առաջիկայում պատրաստվում եմ նաև մասնակցել Ժողովրդավարության գագաթնաժողովին, որտեղ բարձրացնելու եմ Ադրբեջանի գործողությունների մասին։ Այն ինչ անում է այդ երկիրը` հարձակում է նրա և նրան քաջալերող երկրների կողմից Հայաստանի ինքնիշխանության, պետականության, անկախության ու ժողովրդավարության վրա»,– նշեց Փաշինյանը։
