Պատերազմի ընթացքում հրետակոծության հետևանքով ՀՀ քաղաքացիների անշարժ գույքին հասցված վնասները փոխհատուցվել են։ Այս մասին հայտնում են ՀՀ աշխատանքի և սոցիալական հարցերի նախարարությունից։

Վնասի հաշվարկված փոխհատուցումը ստանալու նպատակով դիմել է Սյունիքի մարզի 71 քաղաքացի, որոնց գումարն արդեն փոխանցվել է։

Միանվագ դրամական աջակցությունը նախատեսված է ՀՀ այն քաղաքացիների համար, որոնց անշարժ գույքին հրետակոծության հետևանքով վնաս է հասցվել պատերազմի ընթացքում։