ՀՀ առողջապահական և աշխատանքի տեսչական մարմնի հյուսիսային տարածքային կենտրոնի աշխատակիցները հերթական ստուգայցով եղել են Վանաձորում գործող կահույքի արտադրամասերում, կահույքի մասնագիտացված խանութ-սրահներում և սուպերմարկետներում: Կազմակերպություններում դիտարկվել է Covid-անվտանգության հաստատված նորմերի պահպանումը։

Տեսչականի մասնագետներն արձանագրվել են որոշ խախտումներ դիմակների ոչ պատշաճ կրման հետ կապված։ ԱԱՏՄ տարածքային ստորաբաժանման տեսուչները հանձնարարականներ են տվել առկա թերությունները վերացնելու ուղղությամբ:

Տեսչական մարմինը շարունակում է դիտարկել առողջապահության նախարարի 17-Ն հրամանով սահմանված Covid-անվտանգության կանոնների պահպանումը մայրաքաղաքում և հանրապետության մարզերում։

ՀՀ առողջապահական և աշխատանքի տեսչական մարմնի արևելյան տարածքային կենտրոնի աշխատակիցները ստուգայցեր են իրականացրել Կոտայքի և Գեղարքունիքի մարզերի դպրոցներում, գրասենյակային և փակ արտադրական տարածքներում, ինչպես նաև տեղական ինքնակառավարման մարմիններում։

Տեսչական մարմնի մասնագետներն արձանագրել են որոշակի խախտումներ, մասնավորապես, ջերմաչափումների և ախտահանումների գրանցամատյանների լրացման կարգում։

Տրվել են գրավոր և բանավոր հանձնարարականներ թերությունները վերացնելու ուղղությամբ։

ԱԱՏՄ-ն շարունակում է դիտարկել առողջապահության նախարարի 17-Ն հրամանով հաստատված Covid-անվտանգության նորմերի պահպանումը։