Այս տարի բուժաշխատողի օրը հունիսի 21-ին է: Այդ առիթով Ալեքսանդր Սպենդիարյանի անվան օպերայի և բալետի ազգային ակադեմիական թատրոնն իր շնորհակալություն է հայտնում բուժաշխատողներին, ովքեր արդեն մի քանի ամիս է մոռանալով իրենց կարիքները անձնուրացորեն պայքարում են COVID-19-ի հետ՝ փրկելով հազարավոր կյանքեր։
Ի նշան երախտագիտության, հունիսի 18-ին, ժամը 20:00-ին, թատրոնը կներկայացնի իր համերգային ծրագիրը Ֆեյսբուքյան պաշտոնական էջում:
«Ամբողջ թատրոնի թիմի անունից մեր սիրված արտիստների կատարումներով մենք մեր երախտագիտությունն ենք հայտնում բոլոր բուժաշխատողների՝ իրենց նվիրվածության և նվիրված բարձրորակ աշխատանքի համար, որոնք արժանի են բարձր գնահատանքի: Եկեք լցվենք արվեստի ոգով և միասին կպայքարենք համաճարակի դեմ », - ասված է Օպերայի հայտարարության մեջ:
