Ոստիկանությունը հերքում է Գորիս-Կապան այլընտրանքային ճանապարհն անանցանելի լինելու վերաբերյալ տեղեկությունը:
Այս մասին հաղորդագրություն է տարածել ՀՀ ոստիկանության հասարակայնության հետ կապի և լրատվության վարչությունից:
«Լրատվական կայքերից մեկում «Տաթևի ճանապարհը կաթվածահար է» վերտառությամբ հոդված է հրապարակվել։ Ըստ տարածված տեղեկատվության՝ «ճանապարհին մի փոքր ձյուն է տեղացել, այն կաթվածահար է եղել, ավտոշարասյան ծայրը չի երևում»։
Նշենք, որ տեղեկությունը չի համապատասխանում իրականությանը։ Նշված ճանապարհը (Գորիս-Կապան այլընտրանքային ճանապարհը) անցանելի է և այդ հատվածում ճանապարհային ոստիկանությունն իրականացնում է համապատասխան ծառայություն»,- նշված է հաղորդագրության մեջ:
