Հայկական Ժամանակը գրում է, որ երեկ Ֆրանսիայից Հաաստան ժամանած բժիշկները վաղ առավոտից արդեն անցել են աշխատանիքի։ «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունքի բժիշկները Ֆրանսիայից ժամանած անեսթեզիոլոգ, ռեանիմատոլոգ գործընկերների հետ համայց են կատարում: Այս մասին ֆեյսբուքյան իր էջում գրել է ԲԿ հանրային կապերի պատասխանատու Ծովինար Խաչատրյանը: Ըստ նրա՝ ֆրանսիացի բուժաշխատողները Հայաստանում մնալու են 10 օր:
Հիշեցնենք, որ Ֆրանսիայից ժամանած բժիշկները մասնագիտական գործունեություն են իրականացնելու կորոնավիրուսային հիվանդության բուժմամբ զբաղվող 3 խոշոր ԲԿ-ների վերակենդանացման բաժանմունքներում՝ «Սուրբ Գրիգոր Լուսավորիչ», «Սուրբ Աստվածամայր» ԲԿ-ներ և Վնասվածքաբանության և օրթոպեդիայի կենտրոն: Այս մասին տեղեկացրել է ՀՀ առողջապահության նախարար Արսեն Թորոսյանն ու շնորհակալություն հայտնել բոլոր գործընկերներին՝ բժիշկների այցը Հայաստան կազմակերպելու համար:
