Օգոստոսի 25-ին, տեղական ժամանակով ժամը 22:25-ին (Գրինվիչի ժամանակով՝ ժամը 18:25-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39.40⁰ և արևելյան երկայնության 47.90⁰ աշխարհագրական կոորդինատներով՝ Իրան, Փարսաբադ քաղաքից 27 կմ հարավ, օջախի 12 կմ խորությամբ, 3.1 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 4 բալ:

Երկրաշարժը զգացվել է ԱՀ Ստեփանակերտ քաղաքում՝ 2 բալ ուժգնությամբ։

Վրաստանում նույնպես տեղի է ունեցել երկրաշարժ:

Սեյսմիկ մոնիտորինգի ազգային կենտրոնի տեղեկությամբ, ստորգետնյա ցնցումները գրանցվել են Թբիլիսիի ժամանակով ժամը՝ 00:07-ին:

Նախնական տվյալներով, երկրաշարժի էպիկենտրոնը գտնվում է Ղվարելի մոտակայքում: Ցնցումների ուժգնությունը կազմել է 3.5 մագնիտուդ: