Հոկտեմբերի 15-ին, ժամը 14։13-ին Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղի երկաթգծի կայարանի մոտակայքում այրվում է անասնակեր։ Այս մասին հայտնում են ԱԻՆ-ից: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Ըստ նախնական տվյալների՝ այրվում է մոտ 8000 հակ անասնակեր։
Երասխի համայնքապետ Ռադիկ Օղիկյանը Panorama.am-ի հետ զրույցում նշել է, որ ադրբեջանական զինված ուժերն այսօր կրակ են բացել Արարատի մարզի Երասխ գյուղի վրա։ Նրա խոսքով, արձակած կրակի հետևանքով այրվել է գյուղի տներից մեկի հարևանությամբ խոտի դեզը։
«Այս պահին հանդարտ է, ամեն ինչ հանգիստ է»,-ասաց Օղիկյանը։