Ինչպես տեղեկացնում է «ՌԻԱ Նովոստի»-ին Կառավարության շենքի մոտ ավտոկայանատեղիում ավտոմեքենա է պայթել։ Պայթյունը լսել է ամբողջ Դոնեցկ քաղաքը։ ԱԻՆ աշխատակիցները դեպքի վայրում են:
Աղբյուրի թղթակիցը տեղեկացրել է, որ պայթյունը տեղի է ունեցել կառավարության շենքից մի քանի տասնյակ մետր հեռավորության վրա։ Այժմ պայթյունի վայրում տեսանելի հրդեհ է, մոտակա շենքերը չեն տուժել։ Զոհերի մասին դեռ տեղեկություններ չկան։
Տեղի ոստիկանությունը հաստատել է միջադեպի մասին տեղեկությունը:Մոսկվայի ժամանակով մոտ ժամը 19:00-ին կառավարության շենքի մոտ գտնվող ավտոկայանատեղիում մեքենա է պայթեցվել:
«Ամբողջ քաղաքը լսել է պայթյունի ձայնը: Պայթյունի վայր է մեկնել Արտակարգ իրավիճակների նախարարությունը: Խնդրում ենք հանգստություն պահպանել, զգոն լինել, ինչպես նաև հնարավորինս բացառել քաղաքում տեղաշարժը»,- ասվում է ոստիկանության պաշտոնական տելեգրամյան ալիքում:
ԹԱՐՄԱՑՎԱԾ. Դոնեցկում պայթել է Դոնեցկի ինքնահռչակ հանրապետության ժողովրդական միլիցիայի ղեկավար Դենիս Սինենկովի մեքենան, տուժածներ չկան:
«Այո, դա իմ մեքենան է: Ոչ ոք չի տուժել, այն կայանատեղիում է եղել», - ասել է Սինենկովը «Ինտերֆաքս»-ին: