Ադրբեջանական կողմի հետ բանակցությունները դեռ շարունակվում են։ Դրանք սկսվել են ինչպես և հայտարարված էր ժամը 14․00-ից։ Այս մասին «Ռադիոլուր»-ին ասել է Գորիսի համայնքի ղեկավարի տեղակալ Մենուա Հովսեփյանը։
«Բանակցություններին մասնակցում են առաջին բանակային կորպուսը, գենշտաբը, իսկ ռուսական կողմից՝ Արցախում ռուսական խաղաղապահ զորքերի հրամանատար Ռուստամ Մուրադովը»,- ասել է Հովսեփյանը:
Նրա խոսքով՝ բանակցություններն ընթանում են Գորիս համայնքի Ներքին Խնձորեսկ գյուղի սահմանին։
«Խուճապ չկա ու չի էլ լինելու, մենք մեր տանն ենք, ուղղակի կա անորոշություն, որ չենք հասկանում, թե ինչ է կատարվում»,- ասել է Գորիսի համայնքի ղեկավարի տեղակալը։
Մենուա Հովսեփյանի հետ զրուցել է «Ռադիոլուր»-ի թղթակից Արմեն Դավթյանը
