ՀՀ նախագահ Արմեն Սարգսյանը Twitter-ի իր էջում մեկնաբանել է Աֆղանստանում ստեղծված իրավիճակը։ Նա նշել է՝ այն, ինչ հիմա Աֆղանստանում է կատարվում, համեմատաբար հեռու է մեր տարածաշրջանից։ Այնուամենայնիվ, իրավիճակը, դրանից բխող մարդասիրական հետևանքները չափազանց մտահոգիչ են։ Նրա կարծիքով՝ այդ հետևանքները սպառնում են տարածվելու Աֆղանստանի սահմաններից դուրս։
«Մարդու կյանքի ու ազատության նկատմամբ բռնությունն ու ոտնձգությունը, որոնց մենք ականատես ենք լինում այսօր նաև մեր սահմաններին, անընդունելի են աշխարհի ցանկացած հատվածում»,- գրել է ՀՀ նախագահը։
