Ազգային անվտանգության ծառայությունը ունի բավարար չափով տեխնիկական միջոցներ. դրանց անընդհատ թարմացումը ու կատարելագործումը շարունակական բնույթ է կրում: Պաշտպանության եւ անվտանգության հարցերի մշտական հանձնաժողովի նիստի ժամանակ այս մասին ասաց ԱԱԾ տնօրենի տեղակալ Տիգրան Հարությունյանը:
«Ընդ որում, նաև տեղական արտադրողների և տեղական գիտական պոտենցիալն ենք օգտագործում: Հնարավորություն է ընձեռվում, որպեսզի տեղական գիտական պոտենցիալը օգտագործվի և զարգանա»,- ասաց Հարությունյանը: