Այս պահին կորոնավիրուսով վարակված քաղաքացիներից 504-ը գտնվում են ծանր վիճակում, ևս 123 քաղաքացի՝ ծայրահեղ ծանր։ 44 պացիենտի միացված է թոքերի արհեստական շնչառության սարք։

Այս մասին պարետատան նիստից հետո հրավիրված ճեպազրույցում ասաց Առողջապահության նախարար Արսեն Թորոսյանը։ Նրա խոսքով ընդհանուր առմամբ 627 պացիենտ գտնվում է ծանր, կամ ծայրահեղ ծանր վիճակում։

Առողջապահության նախարարն ու վարչապետ Փաշինյանը կրկին հորդորեցին քաղաքացիներին, մասսայաբար պահպանել հակահամաճարակային կանոնները։

Ֆրանսիայից ժամանած բժշկական թիմի ղեկավար Ալեքսանդր Մինյոնը նշեց որ տպավորված է հայ մասնագետներով, սակայն ակնհայտորեն նրանք շատ հոգնած են։ Ֆրանսիացի մասնագետը նույնպես կարևորեց հակահամաճարակային կանոնների պահպանումը։