11 երկրների ներկայացուցիչներ կմասնակցեն արագ արձագանքման շարժական լաբորատորիաների առաջին միջազգային վարժանքներին, որոնք կանցկացվեն Կազանում:
Այս մասին հաղորդվում է Ռուսաստանի Դաշնության «Ռոսպոտրեբնադզոր»-ի կայքում:
«Վարժանքները կանցկացվեն հիբրիդային ձևաչափով և կմասնակցեն սանիտարահամաճարակաբանական ծառայությունների, բժշկական կազմակերպությունների, գիտական հաստատությունների շուրջ 130 ներկայացուցիչներ ԱՊՀ և Եվրոպայի 11 երկրներից (Ռուսաստան, Հայաստան, Ադրբեջան, Բելառուս, Ղազախստան, Ղրղզստան, Տաջիկստան , Ուզբեկստան, Բելգիա, Գերմանիա, Ֆրանսիա), ինչպես նաև Առողջապահության համաշխարհային կազմակերպության ներկայացուցիչները»,- ասված է հաղորդագրության մեջ:
Ինչպես TACC-ին հայտնել են Թաթարստանի տեսչական մարմնից, վարժանքների բոլոր մասնակիցները կա՛մ պատվաստվել են կորոնավիրուսի դեմ, կա՛մ վարակն ունեցել են ավելի քան վեց ամիս առաջ: Նրանք նշել են, որ վարժանքի պատճառով տարածաշրջանում կորոնավիրուսային վարակի տարածման վտանգ չկա:
Հոկտեմբերի 11-15-ը փորձագետները կփոխանակվեն փորձով, կլուծեն խնդիրները կենսաբանական անվտանգության, լաբորատոր տեղեկատվական համակարգերի, լոգիստիկայի և աջակցության ոլորտում և կապահովեն ոլորտում հետազոտությունների որակը՝ օգտագործելով շարժական լաբորատորիաները: Մասնակիցներից շատերը գործնական փորձ ունեն տարբեր երկրներում վարակիչ հիվանդությունների բռնկումների հետ կապված:
Ինչպես նշվել է Ռոսպոտրեբնադզորում, վարժանքները կլինեն առաջին լայնածավալ միջազգային իրադարձությունը, որը կմշակի եվրասիական տարածքում կենսաբանական սպառնալիքներին արձագանքելու մեխանիզմներ:
