Նոյեմբերի 6-ին՝ ժամը 11:00-ի դրությամբ, հանրապետությունում հաստատվել է կորոնավիրուսի 2177 նոր դեպք, առողջացել է 2283 պացիենտ, գրանցվել է 46 մահվան դեպք: Իրականացվել է 10469 թեստավորում:
Այսպիսով, հաստատվել է կորոնավիրուսային հիվանդության ընդհանուր 319016 դեպք, որոնցից 279148 առողջացած: Փաստացի բուժում է ստանում 31908 պացիենտ:
Ընդհանուր առմամբ, կորոնավիրուսի հետևանքով 6628 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1332 է: Ընդհանուր կատարվել է 2 167 911 թեստավորում:
Տեղեկացնում ենք, որ այսօր՝ նոյեմբերի 6-ին, Երևանում գործում են հետևյալ շարժական պատվաստումային կետերը ՝
- Հյուսիսային պողոտա( «Տաշիր Սթրիթ» առևտրի կենտրոնի ներքևի հատվածում)`12:00-16:30
- «Ռոսիա մոլ»` 16:00-20:00
- «Մալիբու»-ի հարակից տարածք ( Թիվ 2 բուժմիավորման պոլիկլինիկա)` 13:00-17:00
Կիրակի օրը՝ նոյեմբերի 7-ին, Երևանում պատվաստումներն իրականացվելու են ՝
- Հյուսիսային պողոտա( «Տաշիր Սթրիթ» առևտրի կենտրոնի ներքևի հատվածում)`12:00-16:30
- «Ռոսիա մոլ»` 16:00-20:00
Հիշեցնում ենք, որ Նոյեմբերի 7-ին, ժամը 11:00-ին, «Հիլլս» սպորտային համալիրում ( Մոլդովական փողոց 27/1) ևս գործելու են պատվաստումային կետեր:
Նոյեմբերի 5-ին կատարվել է 341 թեստավորում, որի արդյունքում Արցախում կորոնավիրուսային հիվանդության 121 նոր դեպք է գրանցվել:
Կորոնավիրուսային հիվանդությամբ այս պահին ստացիոնար բուժում է ստանում 144 վարակակիր: Բժիշկները 20 հիվանդի վիճակը գնահատում են ծայրահեղ ծանր, 101-ինը՝ ծանր, այդ թվում՝ երիտասարդ տարիքի անձինք: Թեթև ձևերը բուժում են ստանում ամբուլատոր պայմաններում:
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 18024 քաղաքացու հետազոտություն, որից 2531-ի մոտ արձանագրվել է թեստի դրական պատասխան։
Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու:
Տեղեկացնում ենք, որ անհրաժեշտ է հանրապետության բնակչությունը՝ օր առաջ պատվաստվի COVID-19-ի դեմ պատվաստանյութով՝ պահպանելով ձեր և ձեր հարազատների առողջությունը:
Կորոնավիրուսային հիվանդության (COVID-19) դեմ պատվաստումները իրականացվում են ԱՀ առողջապահության նախարարության «Հանրապետական բժշկական կենտրոն» ՓԲԸ ամբուլատոր-պոլիկլինիկական բաժանմունքում՝ մինչև ժամը 19։00-ը: