Չի բացառվում, որ Հայաստանում կորոնավիրուսից մահերը կարող են աճել, ԱԺ հատուկ նիստում ասաց փոխվարչապետ Տիգրան Ավինյանը։
«Մենք փորձում ենք մարդկանց բացատրել, թե որքան կարևոր է կանոնների պահպանումը և ինչ ռիսկեր կարող է ստեղծել այս կանոնների չպահպանումը: Կորոնավիրուսով պայմանավորված մեր մահերի գումարային թիվը մեր միջին օրական մահերի թվից անգամ ցածր է այսօր, բայց սա ամենևին չի նշանակում, որ մենք որոշակի սցենարով չենք կարող գնալ վատ փորձ ունեցած երկրների սցենարով, և մեր միջին օրական մահերը չեն եռապատկվի: Մասնավորապես, օրական ունենանք 200 մահ, որոնցից 100-ից ավելին կորոնավիրուսի պատճառով: Դա չի բացառվում: Մենք այս պահին կորոնավիրուսից ունենք 49 գումարային մահ, բայց կանոնների չպահպանումը կարող է բերել նմանատիպ հետևանքների: Եվ այս առումով մենք հնարավորինս խիստ պետք է լինենք»,- ասաց նա։
