Այսօր կառավարության 2021 թվականի նոյեմբերի 4-ի հերթական նիստին առողջապահության նախարար Անահիտ Ավանեսյանը ներկայացրեց կորոնավիրուսի դեմ պատվաստումների թվերը Հայաստանում։
«Ընդանուր առմամբ իրականացրել ենք արդեն 852․355 պատվաստում՝ առաջին դեղաչափը ստացել է 588․562 քաղաքացի, երկրորդ դեղաչափը ստացել են 263․793 քաղաքացի։
Moderna պատվաստանյութը ստանալուց հետո մենք փոփոխություն իրականացրեցինք մեր հրամանի մեջ եւ 12 տարեկանից բարձր երեխաները եւս այս պահին հնարավորություն ունեն ստանալ պատվաստում։ Դա իրականացվում է ծնողների գրավոր համաձայնությամբ, եւ կարող եմ ասել, որ կա հետաքրքրություն երեխաներին պատվաստելու»,- ասաց Ավանեսյանը։
Նախարարը հայտնեց, որ 12 տարեկանից բարձր արդեն մոտ 50 երեխա կա պատվաստված։ Նրա խոսքով, հոսպիտալացվածների մեջ պատվաստված քաղաքացիների թիվը մնում է փոքր, ինչը նշանակում է, որ պատվաստումները արդյունավետ են։
