Նոյեմբերի 3-ի ժամը 11:00-ի դրությամբ Հայաստանում հաստատվել է կորոնավիորսւային հիվանդության 2045 նոր դեպք՝ կատարված 13.184 թեստավորումից:

Կա 1276 առողջացած, 1 օրում գրանցվել է 50 մահվան դեպք:

Այսպիսով՝ հաստատվել է կորոնավիրուսային հիվանդության ընդհանուր 312.674 դեպք, որից 273.608-ը՝ առողջացած:

Փաստացի բուժում է ստանում 31.263 պացիենտ:

Ընդհանուր առմամբ կորոնավիրուսի հետևանքով 6491 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1312 է:

Մինչ օրս կատարվել է 2.133.721 թեստավորում:

Նոյեմբեր 2-ին կատարվել է 242 թեստավորում, որի արդյունքում Արցախում կորոնավիրուսային հիվանդության 102 նոր դեպք է գրանցվել: Վարակակիրներից 70-ը Ստեփանակերտ քաղաքի, 11-ը՝ Ասկերանի, 7-ը՝ Մարտակերտի, 14-ը՝ Մարտունու շրջանների բնակիչներ են։

Նշենք, որ կորոնավիրուսի համաճարակի բռնկումից ի վեր Արցախում երբևէ վարակակիրների թիվը չի հասել 100-ի ու չի հատել 100-ի սահմանը:

Կորոնավիրուսային հիվանդությամբ այս պահին ստացիոնար բուժում է ստանում 180 վարակակիր: Բժիշկները 17 հիվանդի վիճակը գնահատում են ծայրահեղ ծանր, 85-ինը՝ ծանր, այդ թվում երիտասարդ տարիքի անձինք: Թեթև ձևերը բուժում են ստանում ամբուլատոր պայմաններում:

Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 17343 քաղաքացու հետազոտություն, որից 2273-ի մոտ արձանագրվել է դրական թեստի պատասխան։