Հայաստանում մարտի 12-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 177 104 դեպք, որոնցից 165 718-ն` առողջացած, 3243-ը` մահվան ելքով: ՀՀ առողջապահության նախարարությունը տեղեկացնում է, որ կորոնավիրուսային հիվանդությամբ ներկայում փաստացի բուժում է ստանում 7308 պացիենտ:
Ընդհանուր առմամբ կատարվել է 765 879 թեստավորում:
Մեկ օրում կատարվել է 3934 թեստավորում, որից հաստատվել է կորոնավիրուսային հիվանդության 818 նոր դեպք: Առկա է 277 առողջացած և 4 մահվան դեպք:
Նախորդ օրն արձանագրվել է մահվան 1 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 835 է:
Մարտի 11-ի ժամը 11:00-ի դրությամբ հիվանդության նոր դեպքերի թիվը 748 էր:
Արցախում մարտի 11-ին կատարված 41 թեստավորման արդյունքում՝ հաստատվել է կորոնավիրուսային հիվանդության ևս 3 դեպք: Այս մասին տեղեկացնում են Արցախի առողջապահության նախարարությունից:
«Կորոնավիրուսային հիվանդությամբ մարտի 12-ի դրությամբ ստացիոնար բուժում է ստանում 8 վարակակիր, իսկ թեթև ձևերը ամբուլատոր բուժում են ստանում տնային պայմաններում:
Արցախում այս տարվա ընթացքում կորոնավիրուսի լաբորատոր հայտնաբերման նպատակով իրականացվել է 3 622 քաղաքացու հետազոտություն, որից 519-ի մոտ արձանագրվել է դրական թեստի պատասխան։ Արցախի Հանրապետությունում, ընդհանուր առմամբ, հաստատվել է կորոնավիրուսային հիվանդության 2 403 դեպք: Կատարվել է 21 հազար 70 թեստավորում»,- հայտնում են Արցախի առողջապահական գերատեսչությունից՝ հորդորելով նոր բռնկումներից խուսափելու և կորոնավիրուսային վարակը հաղթահարելու համար հետևել ցուցումներին: