Այսօր առավոտյան ժամը 11:00-ի սահմաններում 54 համարի երթուղայինում քաղաքացի է մահացել: Ըստ նախանական տեղեկությունների նա 35-ից 40 տարեկան տղամարդ է:

54 համարի երթուղայինի վարորդը «Հայկական ժամանակի» հետ զրույցում պատմեց, որ երթուղայինում դիմակ կրելու պատճառով լեզվակռիվ է սկսվել երկու տղամարդկանց միջեւ, ու մինչեւ ինքը կկանգնեցներ երթուղայինը Մաշտոցի պողոտա -Պարոնյան հատվածում դեպքն արդեն տեղի էր ունեցել:

«Իրար սկզբից ձեռքով էին խբում, կողքի քաշեցի կանգնեցրի, որ իջնեմ հանդարտեցնեմ: Մինչեւ կմոտենայի հայհոյանքով բանով տղամարդկանցից մեկն իջավ, հետո ուղեւորներն ինձ ասեցին, որ նրա ձեռքին դանակ կար, խբել գնացել էր էլի»,-ասաց վարորդը:

Այս պահին տեղում աշխատում են ոստիկանները: 

Դեպքի վայրում հավաքված քաղաքացիները, որոնք հրաժարվել են խոսել տեսախցիկի առջև խոսել, ասել են, որ սպանության պատճառը եղել է այն, որ սպանվածը երթուղու մեջ նստած այդ քաղաքացուն խնդրել է, որպեսզի պաշտպանիչ դիմակ կրի, սակայն վերջինս վիճաբանել է, ապա իր մոտ եղած դանակով հարվածել է նրա կրծքավանդակին, ապա դիմել փախուստի։