Հայաստանը ձեռք է բերել COVID-19-ի դեմ չինական «Սինոֆարմ» պատվաստանյութի հերթական խմբաքանակը` 200 հազար դեղաչափ։ Այս մասին հայտնում է ՀՀ առողջապահության նախարարությունը։

Պատվաստանյութի ներկրված խմբաքանակն առաջիկայում հասանելի կլինի առողջության առաջնային պահպանման օղակում և շարժական պատվաստումային կետերում:

«Սինոֆարմ» պատվաստանյութն ունի Առողջապահության համաշխարհային կազմակերպության (ԱՀԿ) կողմից արտակարգ իրավիճակներում կիրառման թույլտվություն: Պատվաստանյութի արդյունավետության և անվտանգության տվյալները համապատասխանում են ԱՀԿ-ի կողմից սահմանված չափանիշներին:

Ինչպես Հայաստանում կիրառվող մյուս պատվաստանյութերը, «Սինոֆարմ»-ը ևս նախատեսված է 18 և բարձր տարիքի անձանց շրջանում կորոնավիրուսային հիվանդության (COVID-19) դեմ պատվաստումներ իրականացնելու համար:

Երևանի քաղաքապետարանը ներկայացրել է, թե մինչ օրս քանի երևանցի է պատվաստվել կորոնավիրուսի դեմ:

Covid-19-ի դեմ պատվաստումների մեկնարկից մինչև հոկտեմբերի 17-ը ներառյալ պատվաստվել են.

Երևան քաղաքում՝ 241 666 քաղաքացի, որից՝

1-ին բաղադրիչ – 167 604 — 29.1%

2-րդ բաղադրիչ – 74 062 — 12.8 %

Հայաստանի Հանրապետությունում՝ 588 385 քաղաքացի, որից՝

1-ին բաղադրիչ – 403 431 — 20%

2-րդ բաղադրիչ – 184 954 — 9.2 %