Առողջապահության նախարար Անահիտ Ավանեսյանը վաղը կպատվաստվի կորոնավիրուսային հիվանդության դեմ: Այս մասին տեղեկանում ենք առողջապահության նախարարությունից:
Նախարարը կպատվաստվի ՀՀ ԱՆ Հիվանդությունների վերահսկման և կանխարգելման ազգային կենտրոնի «Ռեֆերենս լաբորատոր կենտրոնում»:
Հիշեցնենք՝ 2020 դեկտեմբերի 30-ին կորոնավիրուսային հիվանդության դեմ «Սպուտնիկ Վ» պատվաստանյութով Հայաստանում առաջինը պատվաստվել էին Առողջապահության նախարարության ղեկավար անձնակազմը՝ նախկին նախարար Արսեն Թորոսյանի գլխավորությամբ:
Առողջապահության նախարարը վաղը կպատվաստվի «AstraZeneka»-ով: