ԱԻ պետական ծառայության վարչական տարածքում այսօր արմատներով Արցախի Շահումյանի շրջանից, Կոտայքի մարզի Չարենցավան քաղաքի բնակիչ, աշխարհի եռակի չեմպիոն, Եվրոպայի չեմպիոն, ՀՀ «Դյուցազնագրքի» 21-ակի ռեկորդակիր, աշխարհի քառակի ռեկորդակիր, «Գինես»-ի եռակի ռեկորդակիր Յուրի Սաքունցը սահմանել է հերթական ռեկորդները՝ հաղթանակը նվիրել տարվա հերոսներ՝ Արցախի փրկարարներին:
Պատահական չէ ընտրվել հանդիպման վայրը: Յուրին վերջերս ավարտել է ՀՀ ԱԻՆ ճգնաժամային կառավարման պետական ակադեմիան և միանգամից եկել հայրենի Արցախ՝ հերթական ռեկորդը սահմանելու համար: Նրան ուղեկցել է Մասվրելինգի ֆեդերացիայի անդամ Վահագն Լազյանը:
Յուրին Արցախում առաջին անգամ չէ: Նա եղբոր Արթուրի հետ անցած տարի սեպտեմբերի 2-ին Ստեփանակերտի Ստեփան Շահումյանի անվան մարզադաշտում գրանցել է համաշխարհային և «Գինես»-ի հերթական ռեկորդները:
Անցած ամիսների ընթացքում ամենօրյա պարապմունքները և Յուրիի նպատակասլացությունն այս տարի փոխել են խաղի կանոնները:
-Փրկարարական մեքենաների միջև հանդիսացել է հանգույց՝ դիմացից ընթացող մեքենայի և հանգույցից հետո կայանված մյուս մեքենաների համար:
-Հաջորդ ռեկորդը՝ 3 շշի վրա հենված Յուրին կատարել է հենում-ծալում վարժությունը:
_3-րդ ռեկորդը՝ ձեռքերի վրա քայլելով ատամներով բռնած պարանով քաշել է փրկարարական ավտոմեքենան:
Յուրին երկրի համար այս ծանր ժամանակահատվածում ամեն օր հետևում է ԱԻՊԾ ծառայողների կատարած դժվարին աշխատանքին և իր ցանկությամբ որոշել է հերթական ռեկորդը նվիրել Արցախի փրկարարներին՝ որպես տարվա հերոսների:
Առաջարկը սիրով ընդունել է ներքին գործերի նախարար Կարեն Սարգսյանը:
Արցախի Հանրապետության ճանաչման գործում ունեցած ավանդի և այս ծանր ժամանակահատվա ծում մեկ անգամ ևս Արցախի մասին խոսելու հնարավորության ընձեռման համար Յուրի Սաքունցին տրվել է Ներքին գործերի նախարարության շնորհակալագիր և թանկարժեք նվեր:
Պարգևները փոխանցել են ՆԳ նախարար Կարեն Սարգսյանը և ԱԻ պետական ծառայության տնօրեն Մեխակ Արզումանյանը:
