Հանրապետությունում շարունակվում են ավտոճանապարհների բարեկարգման, փոսալցման և ասֆալտապատման շինաշխատանքները։
Այս մասին «Արցախպրես»-ի թղթակցին հայտնեցին ԱՀ Քաղաքաշինության նախարարությունից:
«Ստեփանակերտ-Շուշի միջպետական ճանապարհահատվածի երթևեկելի գոտիներում փոսալցման, ճաքալցման աշխատանքներ են իրականացվում: Շինարարական աշխատանքները սկսվել են հունիսի կեսերից և կավարտեն հուլիս ամսվա վերջին: Աշխատանքներն իրականացվում են պետբյուջեի ծրագրով», - մեզ հետ զրույցում նշեց կառույցի մամուլի քարտուղար Մարթա Դանիելյանը: Նրա հավաստմամբ՝ կապալառու կազմակերպությունը «Կապավոր» ՍՊԸ-ն է:
