Wargonzo նախագիծը (նախագծի հեղինակն է ռուս ռազմական թղթակից Սեմյոն Պեգովը) հայտնում է, որ սոցիալական ցանցերում ակտիվորեն տարածվում է տեսանյութ, որտեղ Գյանջայի բնակիչները փախչում են քաղաքից։ Wargonzo նախագծի թիմին առայժմ չի հաջողվել հաստատել այդ հոլովակի իսկությունը, սակայն իրենք նշում են, որ զուտ տեսականորեն դա միանգամայն հնարավոր է, քանի որ ի տարբերություն Արցախի բնակիչների ադրբեջանցիներն իրենց տարածքների խորքում դեռ պատերազմի չեն բախվել։